「贏輸不重要，最重要是自己有進步」 呢個正正就係鄧肇中永不放棄嘅精神，唔知大家又認唔認同佢嘅講法呢？
阿中三歲時因發燒，導致聽覺嚴重受損，長大後佢更成為老師，推廣手語教學，希望盡力改善聾人嘅生活同學習環境。佢仲喺聾人機構積極做義工，服務聾人社群。
為人師表嘅佢，原來都仲有一個保齡球夢！
因為得到媽媽生前嘅教導與忠告，令阿中更認清自己嘅目標方向！早前因為疫情而延期嘅聽障奧運會再次復辦，作為香港聾人保齡球，代表隊隊長嘅阿中，同一班隊員點樣裝備自己，來迎接呢場遲來嘅國際賽事？經過教練嘅耐心教導，阿中又有咩得着？