旅遊愛好者❤都鐘意搵平機票！慳得一蚊得一蚊。不過，近期社交平台充斥住不少假專頁扮有平機票賣，付款前🧐check真啲呢個步驟真係唔慳得❗
過去一星期，警方共接獲67宗與在社交平台購買機票有關的網購騙案，損失共$萬元💸。當中近成(59宗)都是在Facebook發生的。
騙徒會在Facebook建立假專頁，假扮知名旅行社或旅遊專頁發出貼文，以優惠機票套票做餌🎣，並付費📣推廣貼文，吸引用戶付費購買後隨即失聯👋🏻。結果除了損失金錢，還打亂你的出遊大計。
😎其實「假專頁」不難識別，俾錢前，先到專頁的「關於」入面嘅「專頁透明度 」睇吓：
專頁建立日期 – 越新建立越可疑；
專頁名稱更改記錄 – 留意專頁舊有名稱(如有)是否與現有名稱不相關；
管理員資料 – 如管理員所在地不在香港，而在一些東南亞國家，即要提高警覺
另外亦可留意該專頁內貼文的讚好👍🏻及心情❤，好多人俾”Like”不代表可信，都要睇下咩人俾”Like”，睇見啲用戶名稱奇奇怪怪，明顯不是本地人，咁你仲信唔信❓
睇完呢啲特徵，相信你都可以分析到專頁有幾真❗最後，如對方是以個人名義的🌀轉數快收款，而不是以公司名義收款，🛑風險也相對提升。買機票，最好都係搵返商譽良好的公司✅。
➡有懷疑，即上「守網者」網站(https://CyberDefender.hk) 的「防騙視伏器」或手機應用程式「防騙視伏App」查核專頁名稱、網址🔗、電話號碼📱、銀行戶口號碼及轉數快識別代號等，即時評估詐騙風險。