龍耳創辦人促公開手語翻譯員履歷資料
事件發生後翌日，鍾志強家人的個案輾轉交託到邵日贊手上，事隔3年後展開死因研訊，邵不曾缺席，五人陪審團在研訊尾聲讀出兩項建議，但無一與手語翻譯相關，邵大感失望，直言建議「唔係太入肉」，正正反映市民對聾人的不認識、不認知，以為透過文字可以溝通，「當然啦，有好多嘢針唔拮到肉就唔知嘅，如果你屋企有啲咁嘅人，或者本身係聾人你就會知道明白嗰種痛苦」，所謂啞仔食黃蓮，他盼平機會就健聽者與聾人在醫療上溝通制定指引。
邵表示，計及聾人志願機構、社聯、司法機構及部分已退休人士，現時本港約有90名手語翻譯員。
邵認為應公開手語翻譯員的履歷資料，讓受用者有權選擇，他一度問：「你知唔知道嗰個叫蘇信恩大律師（家屬方）？醫管局嗰個叫文嘉樂大律師⋯⋯咁點解手語翻譯員個名唔能夠公開呢？法官都可以公開，點解手語翻譯員咁神秘？」
他問道：「而家用一條命已經係好大代價，睇吓推唔推到制度完備一啲囉，你要犧牲幾多個人呢？」
Comments