香港警察Facebook：
Comment 1:
警方發現近日有騙徒假冒本地知名旅行社，仲整咗個假嘅旅行社專頁同出廣告聲稱出售平到你唔信嘅旅遊、酒店等套票。
小編睇過張套票，價值$700，有海景房、坐18分鐘直升機又有下午茶🤭。真係伏味極濃！
Comment 2:
返嚟現實，不如小編喺度同大家分享吓「假專頁」嘅防騙貼士仲好啦😅：
最簡單，唔好貪！
大家撳入「專頁透明度」，便可睇清楚該頁過往嘅改名記錄、建立日期同管理員所在地。新開設嘅專頁、經常改名、稱聲本地商戶但管理人「清一色」位處境外，均屬高危。
留意俾 Like 同留言嘅網民，如大部份係疑似非華裔打手，店主永遠只回覆「已PM」🤭。
Comment 3:
搵返啲信譽良好嘅商店，如果見到有啲咁誇張嘅廣告優惠，上網搵返啲官方聯絡方法，打去確認吓先再考慮選購，咁就更有保障。
如果對專頁或網站有懷疑，市民可用防騙視伏器或防騙視伏App確認網站是否「有伏」。如果懷疑受騙，應立即致電警方24小時防騙易熱線 18222查詢。
留言