代表你打算經「轉數快」過數嘅賬戶與詐騙舉報有關❗係「高危有伏🛑」呀❗
不過，警方接獲個別個案，指受害人轉賬時就算收到高危警示🛑，依然會繼續過數俾騙徒。點解？
原因係受害人睇到警示那一刻可能不以為意，或者就算看到警示，也只係半信半疑🤔，然後向要求轉款嘅一方（例如網店商家、網上客戶服務員、網友等）查詢點解會出現警示。騙徒會以各種「理由」解釋，例如話賬戶被警方錯誤標籤、銀行記錄出錯、系統測試中、賬戶正進行審批程序等，試圖將件事「合理化」。
緊記❗收到高危警示，就❌唔好過數喇！不要嘗試與疑似騙徒對質🗣，以免被騙徒的搪塞之詞動搖你的懷疑。
🔸即使轉款時無出現高危警示，亦不一定安全，只代表未有該轉數快識別代號相關嘅舉報。市民喺轉數前，無時無刻都要留意詐騙風險。
🔹有懷疑，即上「守網者」網站 ( https://CyberDefender.hk) 的「防騙視伏器」或手機應用程式「防騙視伏App」查核轉帳的手機號碼📱 / 電郵地址📪 / 快速支付系統識別碼🌀或致電📞警方防騙易熱線18222查詢
Commentaires