📘「少理」廣東話字義是很少理睬、不予理會。
近日假冒3香港、HKT、數碼通、Sun Mobile 等電訊商嘅釣魚SMS💬 再現，又係話積分獎賞到期、帳戶異常，氹你畀💳信用卡資料，之後盡情碌卡。
首階段「短訊發送人登記制度」已經覆蓋本地主要電訊商，如果收到無「#」號開頭又聲稱係電訊商嘅 SMS 話你帳戶乜乜物物，仲畀埋條 link 你撳，一律少理🙅🏻♂！
⚠留意：警方反詐騙協調中心都加入咗登記制度，佢地嘅提示短訊會以「#ADCC18222」作發送人名稱，咁就井井有條啦!
收到短訊唔知係未白撞？即去守網者網站（https://CyberDefender.hk) 用「防騙視伏器」或手機版「防騙視伏App」，輸入短訊內的連結，即時評估風險❗（P.S. 就算無出現「有伏」結果，都不等於百分百安全，所以時刻都要留意詐騙風險❗）
Comments