【撳「確定」之前！你要睇清！】

網絡年代，人們無時無刻都沉浸於網上世界，亦已習慣接收大量資訊，處理網上訊息嘅能力與日俱增，做到眼到手到。但有時候，手總是比腦走得快，造成禍害。

當在網上瀏覽或使用手機應用程式時，經常會彈出訊息框，雖然好多時候都只係一般提示，但有時亦可能係重要嘅風險警示，絕不能掉以輕心。喺你「按下」選項之前，必須細閲訊息嘅內容，以確保作出適當的選擇，「確定」定「取消」，你諗清楚未？

就好似經「轉數快」過數嘅時候，如果出現「高危警示」，就一定要停一停、諗一諗！出現警示代表此收款賬戶與詐騙舉報有關，要慎重考慮是否繼續轉賬！

有懷疑，就唔好過數喇！上「守網者」網站(https://CyberDefender.hk) 的「防騙視伏器」或手機應用程式「防騙視伏App」查核轉帳的手機號碼 / 電郵地址 / 快速支付系統識別碼，再查核對方社交媒體帳號或網址等，亦可致電警方防騙易熱線18222查詢。